Српскиот напаѓач Душан Влаховиќ сериозно се повреди во саботата, во дуелот против Каљари, а италијанскиот весник „Газета дело спорт“ објави дека Србинот ќе биде опериран утре во Лондон.
Станува збор за повреда која за фудбалер, особено за напаѓач кој се потпира на сила и експлозивност, е речиси еквивалентна на фрактура. Времето за закрепнување се проценува на околу три месеца, но точната прогноза ќе биде можно да се даде по операцијата и рехабилитацијата.
Поради тоа, враќањето на Влаховиќ на теренот се очекува дури во март, што значи дека нема да може да биде продаден во зимскиот преоден рок, како што се шпекулираше.
