Исланд и Луксембург синоќа одиграа 1:1 во рамките од група Ј во квалификациите за пласман на Европското првенство 2024 година. Овој резултат не им одговараше на двете селекции, затоа што атакуваа на победа со кој ќе беа чекор поблиску до завршницата на континенталниот собир.
Во 90 минута Исланд имаше корнер па домашниот голман Рунар Алекс Рунарсон реши да тргне напред во обид да постигне гол. Сепак, наместо гол за Исланд, топката дојде кај голманот на Луксембург Ентони Морис, кој веднаш ја исфрли напред. Офанзивецот на Луксембург Герсон Родригес ја прифати топката и излезе сам пред празниот гол на Исланд. Иако имаше чиста ситуација за погодок од околу 25 метри, Родригес успеа да го промаши празниот гол и резултатот остана 1:1.
По ова реми, Луксембург сега има 11 бодови од седум меча и е на третото место, додека Исланд остана на само седум бодови и е петти на табелата без шанса за ЕП. Доколку Родригес успееше да погоди, ќе донесеше победа на својата селекција и Луксембург ќе имаше 13 бодови, колку што сега има второпласираната Словачка.
Во следното коло токму Луксембург на свој терен игра против Словачка во дуел на селекции кои директно конкурираат на втората позиција, која носи пласман на ЕП 2024.
Неверојатното промашување на Родригес може да го видите ТУКА.
