Претседателот на Аргентинската фудбалска федерација, Клаудио Тапија, потврди дека сезоната во Аргентина нема да биде завршена и дека оваа и следната сезона ќе нема испаѓање од лигите. Иако се шпекулираше дека ќе се доигра, сепак поради пандемијата, одлучено е да се стави крај.
Инаку, во Аргентина за тоа кој ќе испадне се одлучува по принципот на број на бодови по одигран меч во период од последните три сезони, па еден од клубовите кои беа загрозени беше и Гимназија Ла Плата. Тренер на Гимназија е славниот Диего Марадона, па одлуката да нема испаѓање го израдува и големиот Диего.
За пласман во Копа Либертадорес и Копа Судамерикана ќе одлучува моментната состојба на табелата. Првенството се прекине во март, Бока јуниорс по многу драма, стигна до титулата. Освен Бока, во Копа Либертадорес ќе играат и Ривер плејт, Расинг и Аргентинос јуниорс.
