АЕК Атина или Динамо Загреб, една од овие две екипи ќе биде последниот учесник во плеј-оф фазата од квалификациите за Лигата на шампионите. Дуелот помеѓу овие две екипи кој се игра вечерва од 20:45 часот привлекува големо внимание во светската јавност, пред се поради големите инциденти кои се случија минатата недела во кои загина еден навивач на АЕК.
Грчките власти, полицијата и фудбалскиот сојуз, ги преземаат сите неопходни мерки ваквите немили сцени да се повторат. Ангажирани се илјадници полицајци кои ќе ги обезбедуваат фудбалерите на Динамо Загреб, но и воопшто натпреварот, како и населбата Њу Филаделфија каде се наоѓа стадионот на АЕК и каде се случија инцидентите.
Секој кој ќе влезе на стадионот ќе биде контролиран на влезовите, ангажирани се хелихоптери, но и дронови кои ќе снимаат во текот на целиот натпревар и полицијата во живо ќе може да се следи што се случува помеѓу навивачите.
Засилени контроли има и на сите гранични премини кои водат кон Грција, посебно на оние со Албанија, од каде пристигнаа хрватските навивачи минатиот понеделник.
Очекувањата се дека на стадионот ќе има околу 30.000 гледачи.
