Дека во фудбалот ништо не е невозможно, се покажа и синоќа, во дуелите од Лигата на шампионите. Челзи успеа да го намачи Реал и беше на прагот од изненадување, а тоа изненадување што не се случи во Мадрид, се случи во Минхен. Најтрофејниот германски клуб Баерн е елиминиран од Вилјареал.
Жолтата подморница е тим кој не е ни во Топ 6 во шпанското првенство во моментов на табелата и следната година може воопшто да не игра во Европа, но сега е дел од четирите најдобри на Стариот Континент. Шпанскиот тим во Минхен замина со предност од 1:0 по првиот меч, а синоќа одигра 1:1 и приреди големо изненадување.
Статистиката по мечот вели дека Баерн имал 24 шута кон голот на противникот, дека изведе шест корнери и дека имаше 65 отсто посед на топка, но тоа не беше доволно. Вилјареал со еден единствен шут во рамките на голот на противникот, без ниту еден корнер и само со една третина посед на топка успеа да одигра нерешено.
Тоа што посебно е интересно за овој двобој е дека Вилјареал е градче во Шпанија, кое има едвај 50.000 жители, но успеа да го елиминира гигантот Баерн чиј стадион собира дури 75.000 гледачи.
INCROYABLE 🤯
C’EST LA SURPRISE DE CETTE ÉDITION 2021/22 ! Villarreal est demi-finaliste de la LDC !!! 💛
Une ville de 50.000 habitants. 😮 pic.twitter.com/pOpYlgzh1R
— Actu Foot (@ActuFoot_) April 12, 2022
