Ерлинг Халанд игра фантастично за Манчестер сити откако пристигна од Борусија Дортмунд летово.
Одличниот Норвежанец има веќе 12 погодоци на седум средби, но причини за радост има и неговиот поранешен клуб кој што инкасираше 70 милиони евра.
Но, очигледно е дека не било се така „розево“ во соблекувалната на Борусија кога Халанд играше за нив.
„Тој стана терет во соблекувалната, а ние станавме презависни од него. Со секоја шпекулација за трансфер, тој му одмагаше на клубот па затоа и беше најдобра опција да се продаде.
Доказ за тоа дека сега е подобро говори податокот дека имаме десет различни стрелци и играме навистина одлично. Без него имаме верба во другите играчи“ изјави Себастијан Кел кој што е директор во бундеслигашот.