Андерлехт се пласира во осминафиналето на Конференциската лига откако по многу драма, дури по подобро изведување на пеналите, го елиминира бугарскиот првак Лудогорец. Во првиот меч, Лудогорец славеше со 1:0, а на реваншот Андерлехт беше подобар со 2:1, па со вкупен резултат од 2:2 мораа да се играат дополнителни 30 минути, во кои немаше погодоци.
Патникот за следната фаза мораше да се реши по изведување на пенали, а таму блескаше домашниот голман Барт Вербруген. Фудбалерите на Андерлехт ги погодија сите три пенали, а гостите од Бугарија ги промашија сите три удари, односно ги одбрани голманот Вербруген.
„Никогаш претходно ми се нема случено ова. Кога го одбранив првиот удар, добив дополнителна самодоверба, но морав да останам фокусиран до крајот“, рече среќниот Вербруген по мечот.
https://twitter.com/i/status/1628918117542887424
Голманот на Андерлехт со овој подвиг стана првиот чувар на мрежата кој во последниве 35 години во дуел од европските купови успеа да ја сочува својата мрежа незатресена во пенал-рулетот.
Ваков подвиг на светската сцена последен пат видовме на Светското првенство во Катар, каде што Мароко ја елиминира Шпанија на пенали, исто така со 3:0, а неверојатно беше дека Шпанците не успеаја да погодат од белата точка во три обиди.
0 – @rscanderlecht‘s Bart Verbruggen is the first goalkeeper to not concede a single goal in a penalty shootout in major European competition over the last 35 years. Killer. pic.twitter.com/Z33stBrOTD
— OptaJohan (@OptaJohan) February 23, 2023
