Финалето на фудбалскиот куп на Македонија меѓу Вардар и Струга Трим Љум ќе се одигра на 21 мај со почеток од 20 часот, а натпреварот ќе влезе во историјата како првиот на кој ќе се користи ВАР-технологија на меч од домашно натпреварување со српски судии. На ланскиот финален куп-натпревар имаше ВАР-судии од Косово.
Бидејќи македонските судии сè уште се во процес на обука за користење на ВАР-системот, Федерацијата реши за оваа прилика да ангажира искусни арбитри од Србија.
Во ВАР-собата ќе бидат Новак Симовиќ од Нови Сад и Урош Стојковиќ од Белград, кои ќе го надгледуваат натпреварот од технолошки аспект.
На теренот, главната одговорност ќе ја има Игор Стојчевски од Скопје, а негови помошници ќе бидат Дарко Јовчевски од Тетово и Мартин Петковски од Куманово. Улогата на четврти судија ќе ја извршува стружанецот Јован Качевски.
Финалето не само што носи трофеј, туку е и најава за новата ера во домашниот фудбал – каде технологијата ќе стане дел од теренот, со цел да се обезбеди фер и прецизна арбитража.
