Германскиот фудбалски куп е еден од најинтересните сезонава во историјата, а сите четвртфиналисти кои останаа во игра за пехарот во популарниот ДФБ покал во последните шест сезони биле второлигаши.
Во игра за вредната титула веќе не се гигантите Баерн Минхен, Борусија Дортмунд, испаднаа и Борусија Менхенгладбах, Баер Леверкузен, Ајнтрахт, Херта, Штутгарт…, а во конкуренција се вкупно 8 екипи.
Бундеслигашите Унион Берлин, Фрајбург, Лајпциг и Бохум, заедно со членовите на популарната Цвајта, Хамбургер, Хановер, Сент Паули и Карлсруе ќе се обидат да стасаат до големото финале и да го освојат пехарот.
Сите 8 екипи во последните шест години биле второлигаши во одреден период, што ја покажува моќта и вредноста на Цвајта, а интересно е што од сите четвртфиналисти, само три сегашни второлигаши имаат пехари во Купот на Германија.
Хамбургер е најтрофеен од нив со три титули, Карлсруе има две, а Хановер една и ниту една друга екипа не се радувала на пехарот во ДФБ Покалот.
DFB Pokal: All clubs that made it to the quarter-finals are or have been in the 2. Bundesliga within the last 6 years. Only 3 clubs have won the cup previously, all of them are in the 2. league. from soccer
Ждрепката за четвртфиналето е закажана за 23. јануари, а натпреварите ќе се играат на 1. и на 2. март.
Финалето стандардно се игра на Олимпискиот стадион во Берлин, а оваа сезона победникот на купот во Германија ќе се знае на 21. мај.
