Словачкиот фудбалски судија Иван Кружлиак ќе биде главен делител на правдата на дуелот Грузија – Македонија, во дуелот од Лигата на нациите во Тбилиси. Кружлиак веќе има искуство со судење на македонската фудбалска репрезентација, и тоа на гостински терен кај Исланд.
На тој меч од квалификациите за СП 2022, Македонија водеше со 2:0 против Исланд, но домаќините со два погодоци во последните 20-тина минути стигнаа до 2:2.
Кружлиак има 38 години и е искусен, па затоа го има и на меѓународната сцена. Само пред една недела тој беше делител на правдата на дуелот Челзи – Салцбург на „Стемфорд бриџ“, кој заврши 1:1.
Дуелот Грузија – Македонија ќе се игра в петок, на „Динмо арената“ во Тбилиси.
