Во светот на фудбалот не ретко се гледало некој фудбалер да заплаче од среќа по победа или тага за некој пораз или повреда. Сепак, некој да плаче затоа што добил жолт картон е нешто што досега не беше видено во англиската Премиер лига, но и тоа се случи.
На лондонската пресметка меѓу Вест хем и Тотенхем немаше победник и заврши 1:1, а еден посебен момент се случи во 73-тата минута. Лукас Пакета направи фаул врз Микел Мур, и тоа на средината на теренот, а судијата му покажа жолт картон.
Потоа се случи една сосема неочекувана реакција од Бразилецот во редовите на Вест хем. Пакета почна да плаче откако доби жолт картон, а соиграчите го тешеа.
Бразилецот продолжи да игра, а само седум минути подоцна беше заменет од теренот. Не е познато зошто беше таквата реакција на Пакета, но се знае дека овој фудбалер поминува низ тежок период затоа што веќе некое време е вплеткан во скандал со обложување.
Неговата сопруга Дуда Фурние веднаш по мечот се огласи на социјалните мрежи, потенцирајќи дека Пакета во последно време поминува низ тежок период.
„Мојот маж има држење и снага на која јас се воодушевувам и кои ме импресионираат. Веќе две години живееме во оваа ноќна мора и тој уште има сила. Секогаш во главата го има тоа дека треба да се брани. Зарем не сте забележале? Господ знае сѐ и знае зошто поминуваме низ сето ова. Само би сакала луѓето да го почитуваат. Луѓето се злобни и неправедни, а ништо не знаат“, беше пораката од сопругата на Лукас Пакета.
Поради скандалот со обложувањето, Пакета минатото лето остана без трансфер во Манчестер сити.
| BREAKING: Lucas Paquetá’s wife, Duda Fournier, on Instagram:
“I’ve never said anything here, and maybe I shouldn’t have! My husband has a posture and strength that I admire and that
IMPRESSES me! We’ve been living this nightmare for two years and he’s ALWAYS strong…… pic.twitter.com/I5WZN8c0oW— Joe Davis (@whujoe) May 4, 2025
