По пауза од една година, Новак Ѓоковиќ се врати на најомилениот терен, „Род Лејвер арената“, каде што се има радувано на девет титули на Отвореното првенство на Австралија. Србинот минатата година не играше на гренслем-турнирот во Мелбурн откако беше депортиран од земјата бидејќи немаше примено вакцина против корона-вирусот.
За разлика од лани, оваа година Ѓоковиќ е добродојден во Мелбурн иако уште нема примено вакцина. Ланскиот скандал поврзан со Новак ги подели и навивачите, па еден дел од нив сметаат дека Србинот и оваа година не требало да добие дозвола да игра. Токму затоа, на Отвореното првенство на Австралија е донесено ново правило, односно ултиматум до навивачите.
Сите оние гледачи на трибините кои ќе им свират на тенисерите или на некој друг начин ги попречуваат, ќе бидат избркани од трибините.
„Ако навивачите на кој било тенисер му попречуваат, му свират или му викаат „бууу“, ќе бидат избркани од трибините. Не сакаме такви навивачи на трибините. Мора да се воздржат од такви работи или ќе бидат надвор од трибините. Секогаш ми било мило тоа што во Мелбурн знаат да го ценат спортот како никаде во Австралија. Верувам дека така ќе биде и овојпат“, рече првиот човек на турнирот во Мелбурн, Крег Тајли.
Tennis fans are facing an ultimatum – boo @DjokerNole and you'll be booted from Melbourne Park. The stern warning came as Djokovic hit Rod Laver Arena for the first time since his vaccine deportation. https://t.co/5zYfOfGqUb @NickMcCallum7 #7NEWS pic.twitter.com/KXDIfV2x5R
— 7NEWS Melbourne (@7NewsMelbourne) January 11, 2023
