Оштетувањaтa на болидот на Шарл Леклер не се сериозни, па момчето кое е родено во Монте Карло денеска ќе има голема шанса да победи во градот во кој е роден. Леклер вчера стигна до пол-позицијата на трката за големата награда на Монако, улична трка каде што престигнуваата се речиси невозможни.
Во ситуација кога е многу тешко да има престигнувања, Леклер ќе треба само паметно и сигурно да извози и да се обиде да стигне до треата победа во кариерата, а прва на свој „терен“. Возачот на Ферари досега се има радувано на патеките на „Монца“ и „Спа Франкошамп“ во Белгија. Двете победи му се во 2019 година.
Веднаш до Леклер од првата стартна линија ќе биде и Макс Верстапен, додека од вториот ред ќе тргнат Валтери Ботас и Карлос Сајнц. Актуелниот шампион и прв фаворит за трофејот и оваа сезона, Луис Хамилтон се најде дури на седмото место, па ќе биде интересно да се види дали Британецот ќе успее да направи чудо и да стигне до пиедесталот и на оваа трка.
