Црногорската фудбалска прва лига во последните две рунди се наметнува како најнеефикасна во Европа, бидејќи на десет меча паднаа само осум гола. Стрелците воопшто не се расположени, и со просек од само 0,8 голови по меч во последните две кола, Црна Гора е на дното според ефикасноста.
Во денешното коло, паднаа само пет гола и тоа два од пенал, а три од прекин. Ниту еден од игра, акција, контра… И тоа три гола паднаа на мечот кој првакот Будуќност го загуби од Подгорица, додека другите четири меча завршија со 0-1 гол.
Во претходното коло на 11-ти април, има само три гола и сите пет меча беа со 0-1 гол. Среќа за Црногорците што до крајот на сезоната има само уште две кола, па веројатно нема да биде најнеефикасна лига во Европа сезонава. Просекот им е 2,06 гола по меч, а послаб просек имаат албанското (2,04) и белоруското првенство (2,03).
