Повредата на капитенот на Наполи, Џовани Ди Лоренцо, не е толку сериозна колку што првично се стравуваше.
Десниот бек беше изнесен на носилки во првото полувреме при вчерашната победа над Фиорентина со 2-1, поради сомнеж за скинати предни вкрстени лигаменти на левото колено. Сепак, денешните прегледи ја исклучија најлошата дијагноза и станува збор за втор степен на истегнување, соопшти клубот.
Очекуваниот период за опоравување на италијанскиот репрезентативец е меѓу четири и шест недели.
Со оглед на тоа што Ди Лоренцо нема да отсуствува до крајот на сезоната, во Наполи се откажале од итно доведување на нов играч, конкретно Габриеле Дзапа од Каљари. Наместо тоа, десниот бек е пред трансфер во Фиорентина.
