Кристијан Варгас загуби со својот клуб Алијанса Атлетико во бурен меч против Хуан Ауриц, но неговиот гол долго ќе се памети и е изведба во рангот на легендарните погодоци на Диего Марадона и на Лионел Меси.
Варгас тргна во долг спринт од својата половина и го мина речиси целиот терен, а притоа во слалом нанижа неколку играчи на домашниот тим, го издрибла и голманот и му ја протна топката низ нозе во мрежата на последниот противник, кој се обиде да го сопре.
Голот на Варгас магично потсетува на легендарните погодоци и слаломи на Марадона и на Меси, иако овој погодок во втората перуанска лига е постигнат од малку поинаков агол.
