Германскиот бундеслигаш Унион Берлин ја заврши старата година со назначување нов тренер, Штефен Баумгарт, кој ќе го замени Бо Свенсон на клупата. Основната задача на Баумгарт ќе биде да ја стабилизира екипата и на резултатски и на играчки план.
Педесет и двегодишниот Баумгарт е добро познато име во германскиот фудбал, а последен пат работеше како тренер на Хамбургер, од кого се раздели во ноември. Интересно, Баумгарт е поранешен миленик на навивачите на Унион Берлин, со оглед на тоа што настапуваше за клубот од 2002 до 2004 година, остварувајќи 68 настапи и постигнувајќи 22 гола.
„Се решивме за Штефен Баумгарт затоа што веруваме дека тој е вистинскиот човек за оваа позиција. Тој е лидер кој знае како да ги мотивира и да ги предизвикува своите играчи. Покрај тоа, Баумгарт има искуство во Бундеслигата и добро ја познава ситуацијата во нашиот клуб. Неговата блискост со клубот значи дека нема да му треба многу време за прилагодување и брзо ќе постави нов правец за развој на тимот“, изјави спортскиот директор на Унион Берлин, Хорст Хелд.
Во последните две сезони, Унион Берлин промени четворица тренери, па клубот сега очекува стабилизација со поставувањето на Баумгарт.
