Повредата на рамото на Џуд Белингам поради која не можеше да игра за Реал Мадрид на претходните два меча со Брага и Валенсија, најверојатно ќе го спречи да игра за англиската репрезентација на дуелите со Малта и Македонија.
Најверојатно нема да се ризикува со него за мечевите кои на Англичаните не им се од пресудно значење.
Тренерот на Реал, Карло Анчелоти, ја коментираше ситуацијата на Белингам кој сезонава е во страшна форма.
„Тој в понеделник ќе оди во Англија, ќе биде прегледан од докторот на репрезентацијата и очекуваме да се врати во Мадрид. Штом не можеше да игра за Реал Мадрид, јасно е дека не може да игра ни за националниот тим. Верувам дека по завршувањето на репрезентативната пауза, ќе може да се врати на терен“ – рече Анчелоти.
Следен меч на Реал е гостувањето кај Кадис на 26-ти ноември, а три дена подоцна го пречекуваат Наполи.
