Реал Мадрид се мачеше синоќа против Жирона, на крај одигра само 1-1 и практично се откажа од борба за титулата во шпанската лига, а во финишот имаше еден спорен момент кој предизвика многу полемики.
Килијан Мбапе доби удар со лакт во пределот на лицето во 16-никот на гостите и беше раскрвавен, но судијата не досуди пенал и во Реал се налутија поради таа одлука. Ниту од ВАР собата немаше повик до главниот судија да погледне снимка од моментот.
„За мене, ова е казна тука и на Месечината. Но, ова е она што го имаме и ова е она со што мора да живееме. Заминувам со чувство дека, иако не беше нашиот најбрилијантен натпревар, очигледно требаше да победиме“, рече тренерот Алваро Арбелоа.
Судијата немаше да погреши ако покажеше на белата точка и му дадеше шанса на Реал да победи, но некои судиски експерти сметаат дека проблемот е што напаѓачите честопати премногу драматично паѓаат со намера да изнудат фаул или пенал при послаб контакт, па судиите немаат доверба дека прекршокот бил толку страшен.
💥 | Alberola Rojas y el VAR con trabajo en el Santiago Bernabéu hasta el último minuto. ⚪️🇪🇸
📌 Vitor Reís golpea con el brazo en la cara de Mbappé en el momento que pierde su marca, ES PENALTI
❌ Error del conjunto arbitral
🏟️ Real Madrid – Girona pic.twitter.com/mfmkxSPpZF
— Laliga News (@laligaa_neews) April 10, 2026
