Рома во пролетта 2018 година извојува незаборавна победа против Барселона од 3-0, по која ги елиминираше Каталонците од Лигата на шампионите, откако Барса на првиот меч победи со 4-1.
Од почетниот состав на Рома кој таа вечер во Рим тргна против Меси и другарите, во редовите на Волчицата не остана веќе никој.
Последен што си заминува е Федерико Фасио. Аргентинецот го раскина договорот со Рома, и сега во клубот веќе нема никој од тимот што на чудесен начин ја совлада Барселона.
Тогаш стартери беа: Алисон Бекер, Фасио, Манолас (Гркот беше стрелец на третиот решавачки гол), Хуан Жезус, Флоренци, Стротман, Де Роси, Коларов, Наинголан, Џеко и Шик.
