Реал Сосиедад минимално со 1:0 ја победи Алмерија, а Селта Виго и Жирона ремизираа 1:1 во мечеви од 36. коло во Примера дивисион. Со оваа победа Сосиедад стигна до 68 бодови и се зацврсти на четвртото место на табелата, па веќе може и да размислива за настап во Лигата на шампиони за следната сезона.
Кубо погоди во четвртата минута од првото полувреме и тој погодок се покажа како доволен за победа на Сосиедад. Неколку минути пред да биде постигнат единствениот погодок, Алмерија остана со фудбалер помалку.
Напаѓачот Луис Суарес направи фаул, а судијата прво му даде жолт картон. Тогаш се јавија од ВАР собата и по консултации со арбитарот беше решено дека Суарес треба да биде исклучен и доби црвен картон.
https://twitter.com/i/status/1661078029563568129
При одење кон тунелот, колумбискиот напаѓач го турна ВАР мониторот, за што сигурно ќе добие дополнителна казна. Целата оваа ситуација може да ја видите ТУКА.
