Двата стартни дуели што се играа во Скопје, во салата „Јане Сандански“, во плејофот во АБА 2 лигата беа исклучително драматични и се решаваа во самиот финиш.
Премиерата ја доби Борац Бања Лука против Младост Земун со 80:79, односно само за еден поен победникот се пласира во полуфиналето.
Мечот го одбележа НБА забивањето на Џош Канингам, што изгледа фантастично со скок преку ривалот од поразениот тим.
BANG! Putback by Josh Cunningham!@KKBoracBL | @kkmladostzemun #ABALiga2 | #NLBSlamDunk pic.twitter.com/886kVrUlh6
— NLB ABA League 2 (@ABA_League2) April 13, 2022
Драма имаше и на вториот меч, а Златибор Чајетина го победи Хелиос Домжале со 84:82м со тројка во последниот напад.
Двата победника од првите дуели ќе играат меѓу себе во полуфиналето, а од 18 часот прв меч ќе игра и македонскиот првак МЗТ Скопје против Сутјеска како прв носител на турнирот.
Од 21 часот се игра последното четвртфинале меѓу Широки Бријег и Спарс Сараево.
