Американскиот тенисер Тејлор Фриц доживеа непријатно изненадување откако во второто коло на АТП 500 турнирот во Токио загуби од домашниот тенисер Шинтаро Моцизуки.
Јапонскиот тенисер е на 215-тото место на АТП-листата и ова му е прва победа над ривал кој е во Топ 10 на АТП. Сензацијата да биде поголема е направена со неверојатен пресврт. Фриц убедливо го доби првиот сет со 6:0 и ништо не делуваше дека може да се случи чудо.
Сепак, во вториот сет, Моцизуки беше подобар со 6:4 и израмни на 1:1. Во третиот сет повторно Фриц беше доминантен и имаше предност од 5:2, но тоа не значеше дека Американецот ќе победи. Јапонецот успеа да се врати, стигна до 5:5, потоа се избори за 6:6 и во тајбрејкот беше подобар со 7:2 за сензационален триумф првиот првиот носител на овој турнир во Токио.
