Фудбалската репрезентација на Македонија посакува со триумф да го затвори септемврискиот циклус за да ги одржи шансите за второто место во квалификациската група Ј кое води во баражот за Мундијалот во Катар. На „Тодор Проески“ арената во Скопје вечерва гостува составот на Романија, кој со убави спомени се враќа на наше тло првпат по повеќе од 16 години пауза.
На вкупно две гостувања, Романците бележат максимален учинок со триумфите од 3-0 во декември 1996 година и 2-1 во март 2005 година забележани исто така во мундијалските квалификации, резултати кои никако не сакаме да се повторат вечерва. Ниту вкупниот биланс не е во наша корист, паметиме само една победа и тоа во контролен натпревар со минимални 1-0 во јуни 2010 година, додека пак Романците се радувале на пет победи.
Сите меѓусебни дуели на Македонија и Романија:
14.12.1996 Македонија – Романија 0-3
20.08.1997 Романија – Македонија 4-2
04.09.2004 Романија – Македонија 2-1
30.03.2005 Македонија – Романија 1-2
02.06.2010 Романија – Македонија 0-1
25.03.2021 Романија – Македонија 3-2
Фактот што денес е голем ден за македонската нација, се слави 30 години од незавиноста, треба да биде посебен мотив за фудбалерите на Милевски да ги освојат трите бода пред домашната публика. Меѓудругото би било добро и за првпат да ги надиграме Романците во официјален натпревар, кои пак вечерва ќе бидат хендикепирани и без Јанис Хаџи, еден од клучните играчи, кој е позитивен на ковид-19, како и уште тројца фудбалери кои се отстранети според протоколот.
Квотите во Sport Life велат дека Македонија е фаворит со коефициент 2.05 за „кец“, додека за нас непосакуваната „двојка“ носи 3.05 квота во корист на Романија. Натпреварот стартува во 20:45 часот.
