„Му ја посакувам целата среќа на најмладиот фудбалски клуб во светот“, со овие зборови еден од најпознатите новинари на планетата кои го следат фудбалот, Италијанецот Фабрицио Романо, му посака успех на новоформираниот клуб Фенс јунајтед (fcfansunited.com) од Црна Гора!
Фудбалскиот клуб Фенс јунајтед е единствен во светот. Посветен е на навивачите, вистинските и искрени љубители на фудбалот, оние кои живеат фудбал, се будат со него и одат да се одморат со него. Создаден е за фановите конечно да се запрашаат нешто. А, во Фенс јунајтед ќе бидат прашани повеќе од каде било и речиси за сè.
Честитки добија и од Џорџи Кјелини, Душан Тадиќ, Александар Митровиќ и други спортисти.
„Фенс јунајтед е основан поради сите луѓе кои сонуваат да водат фудбалски клуб. Тоа е мојот сон долги години и не можам да замислам колку други луѓе во светот го имаат истиот сон. Клубот ја дава таа можност на своите членови бидејќи користејќи ја официјалната апликација на клубот, членовите гласаат за одлуките на клубот, имаат увид во сите приходи, расходи и тековното салдо на сметката на клубот, испраќаат свои предлози и идеи, актуелни настани во клубот и многу повеќе. На љубителите на фудбалот им даваме можност да учествуваат во најубавата игра на светот од друг агол. Им даваме шанса да се запрашаат, заедно да го трасираме патот на Фенс јунајтед кон фудбалската историја“, вели програмерот Филип Вучковиќ, творец, основач и претседател на Фенс јунајтед.
Фенс јунајтед годинава стартува со натпреварувањето во третото ниво на црногорскиот фудбал, од Средниот регион. Ненад Лаковиќ беше назначен за шеф на стручниот штаб. Лаковиќ е тренер со завидно реноме во Црна Гора и поранешен младински репрезентативец на Југославија.
Она што ќе биде главен императив за тренерот Лаковиќ и неговите избраници на стартот е секој член на Фенс јунајтед да им дава пример на сите со спортски дух и фер однесување на теренот и надвор од него.
За сите прашања поврзани со клубот со гласање ќе решаваат членовите кои плаќаат по 100 евра на годишно ниво. Така беше изгласано бојата на клубот да биде виолетова, клубот доби и грб, а прв капитен на Фенс јунајтед ќе биде Борис Бољевиќ, кој минатата сезона го предводеше Интернасионал до првото место во Средниот регион. Дополнително, членовите гласаат за сите трошоци, а во секое време на веб-страницата можат да имаат увид во состојбата на сметката на клубот…
Фенс јунајтед има цел да ја промени фудбалската историја. Наскоро ќе го направи првиот чекор на тој пат. И секој вистински навивач сигурно ќе му посака многу среќа.
