Марко Арнаутовиќ стана едно од најзвучните засилувања на Црвена ѕвезда во 21 век, а сега желба на српскиот шампион е Душан Тадиќ.
Според последните информации, Тадиќ уште не е спремен да се врати во Србија, но Ѕвезда не се откажува бидејќи тој уште нема нов клуб по заминувањето од Фенербахче.
Тадиќ и Арнаутовиќ се најдоа заедно во Белград, во лекарската ординација на Андреја Милутиновиќ, а во друштво им беше и Александар Митровиќ.
Митровиќ е експартизановец и нема шанса да премине во Ѕвезда, па и поради неговата висока цена, затоа само за Тадиќ е ширум отворената вратата доколку реши да се врати во татковината.
Заедничката фотографија ги запали фановите дека можеби Арнаутовиќ и Тадиќ ќе станат клупски соиграчи во претстојната сезона.
Поранешниот капитен на српската репрезентација има 36 години. Тој ја започна својата кариера во Војводина, а играше и за Гронинген, Твенте, Саутхемптон, Ајакс и Фенербахче. Негов следен клуб може да биде Бенфика која е најзаинтересирана.
