Бојан Миовски имаше одличен настап во националниот дрес на Македонија. Во мечевите против Лихтенштајн и Велс, Миовски постигна по еден гол, а имаше и една асистенција на гостувањето кај аутсајдерот.
Првиот напаѓач на Македонија синоќа донесе голема радост со погодокот во 90+1 минута за водство од 1:0 против Велс, но гостите израмнија во 90+6 минута.
Добрата игра на Миовски не остана незабележана и од неговиот клуб во којшто настапува. Шпанскиот прволигаш Жирона реши да му честита на Миовски, и тоа на македонски јазик. „Која прослава Бојан“, гласеше пораката на фејсбук-профилот на Жирона.
