Една од најпознатите статуи на светот, „Христос Спасителот“ во Рио де Жанеиро, синоќа престана да свети и на тој начин Бразилците се солидаризираа во борбата против расизмот бранејќи го нивниот фудбалер Винисиус, кој е жртва на расистички напади.
Винисиус е честа жртва на напади, а капак беше викендов во Валенсија, кога тој сакаше да го напушти теренот и имаше конфликт со публиката која постојано го нарекуваше мајмун и слични расистички извици.
Многу спористи му дадоа поддршка на Винисиус, а со исклучувањето на светлата на статуата во Рио во траење од еден час, и државата Бразил симболично се приклучи во борбата против расизмот и побара од шпанските власти да бидат казнети лицата кои недолично се однесуваа.
