Полскиот репрезентативен голман Војчех Шченсни по седум години во Торино си замина од Јувентус. Тој со Старата дама спогодбено го раскина договорот и сега е слободен да бара нова средина.
Шченсни во својата кариера бранеше и за Арсенал, Брентфорд и Рома, а во 2017 година пристигна во Торино. Како причина за разделбата е фактот што по доаѓањето на Тијаго Мота како тренер на Јувентус, полскиот голман падна во втор план, а шанса да брани повеќе добиваше Матија Перин.
