Капитенот на македонската кошаркарска репрезентација и член на МЗТ Скопје Аеродром, Војдан Стојановски, е прогласен за најдобар во 2022 година, во изборот на КФСМ. Македонската кошаркарска федерација реши дека Војдан е најдобар, а во изборот беа уште и Бојан Крстевски (МЗТ Скопје Аеродром) и Александар Костоски (ТФТ).
За најдобар македонски играч во странство е избран Ненад Димитријевиќ од Уникс Казан, додека Александра Стојановска (Бадел1862/ГАС Евникос) го доби признанието за најдобра кошаркарка во Македонија.
Александар Петровиќ, кој го одведе МЗТ Скопје Аеродром до титулата во домашното првенство и го врати клубот во АБА 1 лигата, е најдобриот тренер во Македонија, а Емил Рајковиќ, кој седна на клупата на европскиот гигант ЦСКА Москва е најдобар тренер во странство. Во женска конкуренција, најдобар тренер е Александар Ашаданов од Вардар.
За најдобри клубови во Македонија се избрани МЗТ Скопје Аеродром во машка и Баскет Кам 2011 во женска конкуренција. Александар Павлов е најдобриот судија за 2022 година.
