Александар Волкановски му честиташе на Ислам Махачев за победата и најави дека засега веќе нема да се бори во лесна категорија, туку се враќа во неговата перолесна.
„Ислам одлично го зададе тој удар со ногата. Не сакам да губам, но тој е голем шампион. Верував во себе, но тоа не беше доволно. Од УФЦ барам да ми закажуваат борби, тешко ми е кога немам борби, полудувам, затоа и ја прифатив оваа борба. Ве молам дајте ми борба, би сакал да се борам во јануари. Јасно е дека се враќам во перолесна категорија. Засега нема што да барам во лесна“ – изјави нашинецот Волкановски од октагонот во Абу Даби.
