Фулам не успеа да им даде божиќна надеж на навивачите дека тргнува во поход да се спаси од испаѓање во Премиер лигата откако одигра само 1-1 против Вулверхемптон, во првиот меч од 19-тото коло. Лондонскиот тим беше блиску до победа, но гостите погодија во 85-тата минута за реми на крајот.
Иако не се израдуваа на трите бода, стрелецот на голот за Фулам, Рајан Сесењон стана третиот најмлад играч кој постигнал гол на „Боксинг деј“.
Тој погоди со 18 години и 222 денови и се најде веднаш зад Џејмс Милнер, кој во 2002 година на овој датум даде гол само со 16 години и 356 денови, додека Мајкл Овен во 1997 година погоди кога имаше 18 години и 12 денови.
Со освоениот бод, Фулам моментно избега од дното на табелата и сега има 11 бодови, еден повеќе од Хадерсфилд, кој гостува кај Манчестер јунајтед.
