Порталот на албански јазик „Спортманиа“, објави дека Воска Спорт ќе се повлече од Првата македонска фудбалска лига и нема да ги игра претстојните мечеви. Таков радикален потег би значел преселба не во втора лига, туку во најнизок ранг на натпреварување во мак-фудбалот.
На Воска ѝ беа одземени девет бода по скандалот со недоигрувањето на натпреварот со Вардар, а сопственикот Нефи Усеини доби двегодишна забрана за бавење со фудбалот, па во клубот се револтирани и сега кога веќе е извесно дека клубот ќе испадне во втора лига, доаѓаат информации за нов можен скандал и комплетно напуштање на лигата од страна на охридскиот клуб.
Воска спорт в понеделник треба да гостува кај Брера во Струмица, а како што стојат работите, одигрувањето на мечот е неизвесно.
