Кристијано Роналдо и Ал-Наср во вторникот гостуваа во Техеран, на дуел од азиската Лига на шампиони против Персеполис. Присуството на португалската ѕвезда предизвика големо внимание во Иран, но и еуфорија помеѓу фановите на Кристијано Роналдо, кои ги окупираа улиците додека се движеше автобусот со фудбалерите, но и просторот пред хотелот во којшто беа сместени.
Токму возачот на автобусот сведочи за однесувањето на Португалецот и вели дека е позитивно изненаден.
„Роналдо беше многу љубезен кон сите и воопшто не е арогантен. Се однесуваше пријателски и добро. Воопшто не очекував дека е толку добар. Морам да кажам дека сум шокиран од тоа што го видов“, вели возачот на автобусот со којшто се превезуваа фудбалерите на Ал-Наср.
