Во дербито на 13.коло од Втората фудбалска лига, Брегалница оствари минимална победа од 0-1 над Беласица на стадионот „Благој Истатов“ во Струмица. Клучниот момент на натпреварот се случи во 33. минута, кога Зоран Ивановски го постигна единствениот гол и ја донесе победата за штипјани.
Македонија ЃП ја задржа лидерската позиција со доминантна победа од 5-0 против Вардар Неготино на домашен терен во Ѓорче Петров. Хет-трик постигна Симеон Христов.
Башкими стигна до победа од 1-0 против Кожуф, а со идентичен резултат Арсими освои три бода против Борец.
Детонит Плачковица се врати со значајна победа од 1-3 од гостувањето во Охрид, додека Скопје славеше со 0-2 против прилепска Победа.
Новаци беше убедлив против Осогово и победи со 5-0, а Каменица Саса го совлада Вардарски со 5-1.
