Раководството на Беласица одлучи домашните натпревари да ги играат под рефлектори, барем додека дозволуваат временските услови, а првиот се одигра вечерва.
Струмичани имаат големи амбиции, но во првите две кола играа против екипи кои се директни конкуренти за висок пласман во новата второлигашка сезона. По ремито во Охрид (1-1), Беласица со 3-2 го доби дуелот против Скопје на домашен терен и тоа со пресврт, со оглед дека гостите од „Автокоманда“ први поведоа со 0-1. Следуваше голем пресврт и водство од 3-1 на Беласица, а Скопје намали на 3-2 во 94-тата минута.
Со натпреварот под рефлектори во Струмица се комплетираше второто коло во второлигашката конкуренција. Единствената екипа со максимални шест бода е новиот второлига, Шкендија од Арачиново, а потоа следуваат четири екипи со по четири бода.
Второлигашите нема да имаат пауза поради репрезентативните настапи, па следното коло се игра веќе в сабота.
