Англискиот премиерлигаш Вулверхемптон пред неколку денови во своите редови го доведе Патрик Кутроне од Милан. Како што стојат работите, Кутроне нема да биде единствениот играч на Милан кој летово ќе направи трансфер меѓу Волците.
Најавите се дека Андре Силва и Франк Кеси се пред заминување во Англија и тоа во тимот на Вулверхемптон. На двата потенцијални трансфери работи познатиот менаџер Жорге Мендеш кој го одведе Кутроне во Англија. Трансферот на Кеси е речиси завршен, бидејќи новиот тренер на Росонерите, Марко Џампаоло најави дека нема да смета на услугите на играчот од Брегот на Слоновата коска.
