Продолжи низата на неверојатни откритија околу „фараонскиот договор“ на Лионел Меси со Барселона потпишан во ноември 2017 година, а најновиот детаљ кој предизвика внимание е дека имало клаузула дека Аргентинецот мора да го научи каталонскиот јазик. На управата на Барса не им се допаѓало што Меси секаде зборува само на шпански, и тоа со изразен аргентински акцент.
Меси од Барса за овие четири години ќе земе 555 милиони евра како плата и бонуси, па кога веќе толку го плаќаат, сакале и тој подобро да се интегрира во каталонската култура и да го научи каталонскиот јазик. Од друга страна, има и клаузула дека ако Каталонија стекне независност, Меси може да си оди од Барса како слободен играч.
Меѓу барањата во договорот се и забраната Меси да вози џетски, да не се обложува на големи суми, да не се допингува и да мора да игра на позиција која ќе му ја одреди тренерот. Меси најави тужби за сите вмешани во скандалот, сака да се открие како тајниот документ стигна во јавноста.
