Во последните неколку сезони жестоко е фудбалското темпо. Многу играчи се жалат дека не може да го издржат ритамот, па сè почесто има натпревари на три-четири дена.
Сепак, дека има и такви фудбалери на кои ритамот на игра не им е проблем, доказ е Жил Кунде. Бекот на Барселона едноставно не знае за пауза. Кунде има неверојатна низа од 99 меча по ред на коишто игра, без разлика дали е тоа на клупски или репрезентативен план.
Последен пат Кунде не настапил на еден меч на којшто требало да игра во номеври 2023 година. Тоа значи дека една и пол година Конде постојано е подготвен за настап и 99 натпревари по ред е на терен, без разлика дали е стартер или влегува од клупата за резерви.
Доколку Кунде биде на теренот во дресот на Барселона на утрешниот меч против Бетис, францускиот репрезентативец ќе заокружи одиграни јубилејни 100 меча по ред.
