Екипата на Унион Берлин сезонава за првпат во својата историја игра во групна фаза од Лигата на шампиони. Бундеслигашот дебитираше во елитното натпреварување и тоа со меч на гостински терен против најтрофејниот европски клуб Реал Мадрид. До 90+4 минута Унион Берлин одолеваше на нападите на Кралевите, но на крајот Белингам погоди за 1:0 и победа за шпанскиот гигант.
По гостувањето на „Сантијаго Бернабеу“, сега дојде ред Унион Берлин да го игра првиот меч пред своите навивачи во ЛШ. Следната недела на Олимпискиот стадион во Берлин ќе гостува Брага. Португалскиот тим ќе добие „жесток“ пречек затоа уште од сега се знае дека стадионот ќе биде исполнет до последното место.
За овој историски прв домашен меч на Унион Берлин во Лигата на шампионите се продадени вкупно 71.260 карти. Според прописите на УЕФА, на стадионот ќе има и еден дел за гостинските навивачи кои сигурно ќе присуствуваат на феноменална атмосфера во Берлин.
