Играчот од среден ред, Иван Николов, е во потрага по нов клуб. Фудбалерот кој ги помина сите младински категории за репрезентацијата на Македонија, а за У21 селекцијата има дури 23 настапи, дебитираше и за сениорскиот состав на дуелот против Саудиска Арабија во 2022 година.
Николов, кој во македонското првенство играше за Академија Пандев, Вардар и Брегалница Штип, во 2023 година направи трансфер во Сондерјиске во Данска. Минатата година играше и како позајмен играч во Вендсисел, а на 4 јануари оваа година постигна взаемна спогодба со Сондерјиске за раскин на договорот.
Реномираниот фудбалски инсајдер Руги Галети пренесува дека Николов во моментов има понуди од клубови во Данска, Норвешка, Унгарија и Србија, а во следните 48 часа треба да реши каде ќе ја продолжи кариерата.
🚨⏳ EXCL | Ivan Nikolov is close to deciding his next club.
The Macedonian midfielder, currently a free agent, has concrete offers from Denmark, Norway, Hungary and Serbia and will choose the project that convinces him most within the next 48 hours.
More to follow. 🔜 pic.twitter.com/hqi2Kv7KNi
— Rudy Galetti (@RudyGaletti) January 20, 2026
