Болоња е хитот на стартот на првенството во Серија А. Тимот предводен од Синиша Михајловиќ моментно е на второто место на табелата, а пред него е само Интер, кој има максимални девет бода по три кола. Болоња вчера направи неверојатен пресврт на гостувањето кај Бреша. Негативата од 1:3 на полувремето, ја претворија во победа од 4:3 на крајот.
За првпат сезонава на клупата на Болоња не беше Михајловиќ, кој остана во болница за втората фаза од лекувањето на смртоносната болест леукемија. На српскиот стратег му беше откриена тешката болест непосредно пред стартот на првенството, но тој реши да остане на чело на екипата.
На полувремето од мечот со Бреша, Михајловиќ преку телефон дал совети за тоа како играчите треба да продолжат во второто полувреме, а неговите зборови биле инспирација за големиот пресврт. Дека играчите максимално го респектираат и поддржуваат својот тренер, покажаа со изненадувањето кое го приредија синоќа.
По враќањето од гостувањето во Бреша, фудбалерите на Болоња заминаа кон болницата во која се лекува српскиот стратег и му приредија изненадување.
Il #Bologna dopo la vittoria a Brescia è andato a trovare il suo allenatore, Sinisa #Mihajlovic, al Sant'Orsola.
La squadra ha fatto una sorpresa al tecnico serbo cantando il coro "dai Sinisa alè" e mettendo la sigla di "Scherzi a Parte" #ForzaSinisa pic.twitter.com/3XX1u1QO5C— Alessio De Giuseppe (@alessiodegiu) September 15, 2019
https://twitter.com/i/status/1173343371500412928
