Задар го приреди првото големо изненадување во новата сезона во АБА-лигата и со победа од 98:96 во Белград ја нокаутира Црвена ѕвезда.
Задрани водеа и со 19 поени разлика и беа пред сигурна победа, што е сензационален исход, но актуелниот шампион на Јадранот намали само на еден поен разлика на малку повеќе од една минута до крајот на мечот.
Потоа следуваше вистинска драма, а Задар успеа да се врати на пет поени плус и на крајот да слави вредна победа.
https://twitter.com/ABA_League/status/1589673879634849793?s=20&t=B7L4qftpyl4SqXlB-dYNmQ
Ова за нив е четврта победа во шест кола, а Црвена ѕвезда, која е првак трипати по ред во АБА-лигата, го претрпе првиот пораз сезонава.
Џордано со 23 поени беше прв стрелец и кај Задар и на мечот, а го следеа неговите соиграчи Дрежњак со 22 поени и Рамљак со 20 поени.
Бентил беше најефикасен кај Црвена ѕвезда со 19 поени.
Во АБА од оваа сезона повторно игра МЗТ Скопје и со биланс од 1-5 моментно е на претпоследното место на табелата.
