Младата македонска репрезентација за играчи до 21 година загуби вечерва од Србија со 2:1 на гостински терен и комплетно ги загуби комплетно за настап на ЕП во 2023 година.
Настапот на шампионатот што идната година ќе го организираат Романија и Грузија остана само сон по поразот на стадионот на Вождовац во Белград.
И токму играчот на Вождовац, Милош Пантовиќ, беше стрелец на првиот гол, а го постигна во деветтата минута.
Офанзивецот на Србија остана сам на левата страна, заборавен од нашата одбрана и рутиснки погоди со глава за предност на домаќините од 1:0.
Македонските репрезентативци одиграа скромно и имаа малку шанси за гол, па поразот беше неминовен.
Во 67-мата минута поради втор жолт картон беше исклучен стоперот Бесар Исени, а Србите ја искористија предноста од фудбалер повеќе на теренот и поведоа со 2:0 со голот на Немања Јовиќ во 82-рата минута.
Почесниот гол за Македонија го постигна Бојан Димовски во 83-тата минута.
По 7 кола во Х групата, Македонија падна на четвртото место со 6 бода, зад лидерот Франција со 16, Украина со 13 и Србија, која не прескокна и има 8 бода.
