Фудбалската репрезентација на Македонија пристигна во Даблин каде во вторник ќе го одигра последниот натпревар од циклусот за СП 2026. За жал, по поразот од Данска во Копенхаген, нашиот национален тим ги загуби шансите за Мундијалот.
Дефанзивецот Ѓоко Зајков вели дека секој меч во дресот на Македонија е можност за ново докажување.
„Сакаме да го победиме мечот со Ирска. За нас нема пријателски мечеви и официјални, сите се важни. Најважно од аспект од тоа што претходниот меч го загубивме на таков начин, да дадеме се од себе за добар резултат за да се издигнеме нагоре за следните собири и квалификации и да бидеме подобри“, изјави Зајков.
Натпреварот меѓу Република Ирска и Македонија ќе се одигра во вторник, со почеток во 20.45 часот, на стадионот „Авива”.
