Николас Талјифико е можното летно засилување на Лидс, екипа што е заинтересирана за 28-годишниот аргентински репрезентативец и играч на Ајакс.
Талјифико е лев бек и игра на позицијата на која стандарден првотимец во Лидс е нашиот репрезентативец Езџан Алиоски.
Алиоски се уште не го продолжил договорот со премиерлигашот, а се шпекулира дека има понуда од Галатасарај и дека е можно да се пресели во Турција.
Холандските медиуми објавија дека Лидс е во преговори со Талјифико, што е знак дека Алиоски ќе си замине, иако е миленик на навивачите, кои сакаат популарниот Џани да остане во нивниот омилен клуб.
Талјифико има договор со Ајакс што важи до 2023 година.
