Статуата на Златан Ибрахимовиќ пред стадионот на Малме синоќа беше во пламен. Иако беше поставена пред помалку од два месеци, а Ибрахимовиќ доби овации од фановите на клубот во кој ја започна кариерата, работите драстично се сменија.
Причина за ваквото вандалско однесување на симпатизерите на Малме е тоа што тие се почувствуваа предадени од нивниот довчерашен идол. Ибрахимовиќ објави дека купил половина од акциите на Хамарби, а тоа што уште повеќе ги налути симпатизерите на Малме е изјавата на популарниот Ибра.
„Ќе му помогнам на Хамарби да стане најдобриот клуб во Скандинавија“, рече Ибрахимовиќ по купувањето на клубот, а веднаш потоа следуваше и реакција од навивачите. Тие беа во неверување дека играчот заборавил од каде ја почнал кариерата и кој му дал шанса, па му порачаа дека веќе е избришен од историјата на клубот.
Ибра сега е еден од најомразените играчи во Малме, а целиот гнев беше искажан токму врз статуата. Најпрво на статуата беше закачена даска од веце шолја, а синоќа се случи и кулминација, кога беше запалена статуата.
Zlatan's decision to buy into @Hammarbyfotboll has not gone down well with @Malmo_FF fans (his first professional club).
The statue of Ibrahimovic outside Malmö Stadium was defaced with a toilet seat by angry Malmo fans after he becomes co-owner of Malmö rivals Hammarby. pic.twitter.com/dlH4DhA7hc
— Groundhopper (@gogroundhop) November 27, 2019
