Стартуваше продажбата на билети за кошаркарскиот натпревар Македонија – Полска од последното коло во квалификациите за Евробаскетот 2025. Продажбата ќе се одвива преку онлајн сервисот на MkTickets, а цената на билетите е 300 денари.
Мечот ќе се игра в понеделник (24 февруари), од 18.30 часот, во салата на СРЦ „Кале“ во Скопје и може да биде решавачки околу пласманот на нашата репрезентација на Европското првенство кое се игра годинава.
„Дојдете да победиме заедно“, повикаа од КФМ.
Влезници може да се најдат на следниот ЛИНК.
