Леброн Џејмс рано утрово испишуваше историја откако со 56 поени го предводеше Лос Анџелес лејкерс до победа над Голден Стејт вориорс од 124-116, прекинувајќи ја серијата од четири порази по ред.
Кралот Џејмс, со 37 години и 65 дена, стана најстариот кошаркар кој имал над 50 поени и 10 скока на еден меч, во оваа категорија го надмина Мајкл Џордан. За Џејмс ова е втор 50-ка во дресот на Лејкерс, првпат уфрли толку во 2018 година, а стана и единствен во историјата на НБА кој давал 50 или повеќе поени и на возраст под 21 година и на возраст над 35 години.
Во останатите мечеви, постигнати беа следните резултати: Шарлот – Сан Антонио 123-117, Мемфис – Орландо 124-96, Мајами – Филаделфија 99-82 и Минесота – Портланд 135-121.
После мечот, додека даваше изјава за телевизија, соиграчите го полеаја со студена вода, за да го оладат „жешкиот“ Џејмс.
https://twitter.com/i/status/1500324072793653248
