Новак Ѓоковиќ е освојувач на завршниот АТП Мастерс во Торино, откако во големото финале го збриша домашниот тенисер, Јаник Синер, со 2-0. Србинот во групната фаза загуби со 2-1 од Синер, па ова е слатка одмазда на Ѓоковиќ, кој убедливо стигна до трофејот.
Во првиот сет одлучувачки беше четвртиот гејм, кој со брејк го освои Ѓоковиќ, предност која ја сочува до крајот за водство од 1-0, откако го доби сетот со 6-3.
Србинот во вториот сет направи два брејка, во првиот и во последниот гејм и го доби сетот со идентични 6-3 како и во првиот, за голема победа од 2-0 над Синер.
